LATEST NEWS

Patas sa Gugma

Eugene Jamandron | Pagmatuto

“Hoy bes kinsa may imong uyab ron?” pangutana sa usa ka higala, amigo ug amiga. Makahimuot kay naglibog ka og unsa’y imong itubag.

Dayon, dili gayod ka makapanghimakak kay seryoso man ang pangutana, usahay ipaagi nalang og binuang. Sa atong panimalay ampay gayod sa atong mga lolo ug lola, nanay ug tatay ug mga apo ang pagsunod sa mga teledrama ug Koreanovela.

Kung mohilak gani ang bida nga artista, manghilak pod tag apil, kung maldita ang kontra bida, buot natong itunglo kini bisan sa tinuod nga kinabuhi. Daw sama sa nakita nako sa akong inahan kung unsa siya pagkatandog sa iyang mga nakita sa salida.

Nalipay ako kay nalingaw siya ug gisunod kini matag gabii. Kung mahitabo sa tinuod
nga kinabuhi ang salida siguro lami kaayo kay duna ma’y happy ending. Panalagsaon ra ang kasubo. Kiligon gyud ka ni Kathryn Bernardo ug Daniel Padilla, ni Enrique Gil ug Liza Soberano, nindot ilang love story kay madasigon murag lupig pay baha di gyud kapugngan, sumala pa sa panultihon.

Madasigon ba imohang love life? o nagdamgo pa ka nga duna’y moabot? Ayaw  kabalaka kay moabot lang gayod ang imong gihandom nga paris pero siguro daghan pang mga katuigan ang molabay. Sagdae lang, hulat lang, pagtuon lang usa.

Sa laing bahin usab, duna koy amiga nga daghang suitors, gikan sa tuo ug wala, bulak didto, tsokolate diri, ambungan gayod siya kay nagtalay sa messenger ug text ang mamisita, nagtulo ang mga laway, kung maghibalag naay nag-awto, duna’y nag motorsiklo ug naa usab nagpedikab.

Apan, katingalahan kay kung mangutana ko niya kung duna ba siya’y bf, tubagon ko niya nga “wala man”. Nanghimakak ba siya o nagtug-an lang siya og duol sa kamatuoran? Patas ra gayod ang pagbanggi-banggi sa hitabo bahin sa uyab-uyab. Kay
kung wala kay LDR, suitors, ug BF si amigang ambongan usab nagtimbang-timbang sa iyang kahiaguman kung kinsa para kaniya si Mr. Right.

Bisan pa og naghigwaos ka kay gusto nimong makasinati og matagamtaman ang katam-is sa gugmang naghuro-huro, wala gihapo’y lakturanan sa tim-os nga kasingkasing ug katakos sa gugma kay bisan gani si amigang ambongan naghandom pa gayod og matinud-anong relasyon.

Dili gayod ako mahiubos ug masuya kay dili pa man insaktong panahon nga tugutan ako nga makaagom sa maong pagbati. Busa tubagon ko lang ang pangutana kung duna ba ikaw o ako hinugugma? Garbo akong moingon nga,”wala! hulaton ko lang.” Sama usab nila ni lolo, lola, nanay, tatay ug apo nga gidasig sa mga artista sa teledrama ug
Koreanovela, apan sa salida ra kutob.

Si Amigang Ambongan nga naglutaw sa kawanangan ug naghulat sa iyang gituhoang
“forever.” Ayaw nag kontraha pa kay patas lang ang gugma. Hatagi’g pahalipay ang kinabuhi nga magmakanunayon bisan sa amingaw ug kadasig.

Leave a comment below

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: